Buhay na Titik: Mahalaga ang Private Sector sa Reading Campaign

ni Alvin J. Buenaventura ng FILCOLS

Mahalaga ang Private Sector sa Reading Campaign

Kung may mga programa na ang gobyerno para ma-engganyo ang mga tao para magbasa pa nang mas madalas, bakit kailangan pang makipag-partner ito sa private sector?

Kasi two heads are better than one. Ibig sabihin, mas magaling ang resulta ng programa kung may ugnayan at pakikipagtulungan mula sa dalawa o mas marami pang grupo mula sa pribadong sektor.

Ang National Book Development Board ay may malapad na network at kapangyarihan upang hikayatin ang ibang ahensiya ng gobyerno na suportahan ang mga programa nito. Ang private sector naman ay may mga innovative approach at malalim na bulsa para maisulong ang mga programa.

Ang Book Development Association of the Philippines ay itinatag noong 1979 pa. Sila ang grupong nasa likod ng pag-o-organize ng taunang Manila International Book Fair. Tatlumpu't dalawang taon nang pina-aandar ng BDAP ang MIBF. Siyempre marami ring government at private groups na kasama rito. Kaya naman taon-taon ay parami nang parami ang sumasali sa MIBF. Dumarami rin ang mga bisitang bata, teenager, at matanda.

Isa sa mga naging proyekto ng NBDB ang paglalagay ng malaking billboard sa EDSA Guadalupe na may larawan ng TV host na si Tintin Bersola-Babao. Naka-pose si Tintin at hawak ang isang nobelang akda ng isang Pinoy author.

Ganito ang naging partnership ng gobyerno at private sector:

Ang NBDB ang nakipag-usap kay Tintin na magpose nang libre, para sa bayan, ika nga. Nakipag-usap din ang NBDB sa publisher ng libro, sa BDAP, at sa asosasyon ng mga nasa billboard business. Pumayag ang BDAP na mag-donate ng pera para sa printing ng higanteng tarpaulin. At dahil malaking grupo sila at para naman ito sa promotion ng Pinoy books ay malaki rin ang naging donasyon nila. Ang sunod na donasyon ay nagmula sa publisher. At ang asosasyon ng mga nasa billboard business ay inilibre ang isang buwang renta sa billboard space.

Kung hindi nakipag-ugnayan ang NBDB sa private sector ay baka nakapaskil lang ang tarpaulin sa isa sa mga building ng gobyerno. Kung BDAP lang ang gumalaw ay siguradong mas malaki ang ginastos nila dahil magiging “business rate” ang basehan ng singil.

Sa huli ay naging masaya ang lahat. Na-promote ang Pinoy books. Na-engganyo ang mga tao na magbasa pa nang magbasa. At hindi pa gumastos nang malaki ang mga kasama sa proyekto.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Tax Exemption para sa Paglilimbag ng Libro

ni Alvin J. Buenaventura ng FILCOLS

Tax Exemption para sa Paglilimbag ng Libro

Ang tax o buwis ang lifeline ng gobyerno. Ang mga buwis na ibinabayad ng mga propesyunal at negosyante ang siyang nagpapasuweldo sa ating mga pulis, public school teacher, at iba pang empleyado ng gobyerno. Ang buwis din ang ginagamit sa infrastructure tulad ng paggawa ng bagong tulay, bagong health center, at bagong school building.

Pero kung mahalaga ang tax bakit ginawang strategy ng gobyerno ang hindi pagbabayad ng tax sa mga piling materyales para mapaunlad ang industriya ng paglilimbag ng libro?

Ang National Book Development Board ang ahensiya ng gobyerno na inatasan ng batas na magpasigla sa book publishing industry. Sila ang nagpapatupad ng National Book Policy.

Isa sa mga implementing policy ang nagsasaad na the tax exemption in the importation of raw materials that shall be used in book publishing shall be maintained.

Ang mga papel, na mahalagang component ng book publishing, ay ang madalas na binibili natin mula sa ibang bansa. At dahil may mga manufacturer ng papel sa bansa, kailangang ma-justify ng mga publisher natin kung bakit imported ang papel na gagamitin nila sa paglilimbag ng libro.

Kapag nakumpleto ng mga publisher sa Filipinas ang mga kahingian ng NBDB ay maglalabas ito ng dokumentong magpapatunay na exempted sa buwis ang imported na papel na papasok sa bansa.

Pinapayagan ng gobyerno ang ganitong siste dahil mas malaki ang benepisyo nito sa ating mga kababayan. Kahit na isang milyong piso ang buwis na mawawala sa gobyerno dahil sa pagpasok ng imported na papel, nao-offset naman ito ng paglago ng local publishers na nagbibigay ng trabaho sa maraming tao.

Siyempre ang tax exemption ay para lamang sa mga piling materyales, hindi sa lahat ng bagay. May business tax, income tax, at iba pa rin namang tax ang nakukuha ng gobyerno sa mga publisher sa ating bansa.

Mahalagang masigla ang mga publisher dito sa atin dahil sa dami ng taong nabibigyan nito ng hanapbuhay. Kaya nasa interes ng gobyerno na magbigay ng mga fiscal incentive para patuloy ang takbo ng mga nasa industriya ng paglilimbag ng libro. Dadami ang may trabaho. At trabaho ang sagot sa kahirapan.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Pagpo-promote ng Hilig sa Pagbabasa

ni Alvin J. Buenaventura ng FILCOLS

Pagpo-promote ng Hilig sa Pagbabasa

Ang pagbabasa ay hindi natural sa tao. Oo, ang pagbabasa ay isang habit na dapat na ma-develop sa isang tao sapagkat hindi tayo ipinanganak na marunong magbasa ng mga letra, salita, at pangungusap. Lalo namang hindi tayo ipinanganak na mahilig magbasa.

Ang natural sa tao ay ang kumuha ng impormasyon mula sa hugis at kulay ng mga ulap, mula sa ihip ng hangin, mula sa init o lamig ng panahon. Ginagamit natin ang mga impormasyon mula sa kalikasan para ma-predict ang panahon.

Natural din sa tao ang makakuha ng impormasyon mula sa facial expression ng ibang tao. Alam ng mga bata kung galit si Nanay. Alam naman ni Nanay kung natutuwa si Bunso.

Kung hindi natural ang pagbabasa sa tao ay bakit kailangan nating matutong magbasa ng mga libro at iba pang reading material?

Kailangan nating magbasa dahil may mahahalagang impormasyon na nakabaon sa mga reading material. At ang ganitong impormasyon ay kailangan natin para lalo pang umunlad.

Ang mga nasa business sector ay puwedeng kumita nang malaki dahil sa tamang impormasyon. Puwede rin silang malugi kung hindi sapat ang kanilang impormasyon. Kaya dapat madalas silang magbasa ng mga magasin, journal, diyaryo, business website, at iba pa.

Ang isang mahirap na bata na matiyagang nag-aral at naging magaling sa pagbabasa ay madaling makakahanap ng trabahong magiging daan sa pag-ahon sa kahirapan.

Ang pag-shoot ng bola ng basketball ay dapat na madalas na pina-praktis. Puwedeng palpak sa unang tira, pero sa madalas na praktis ay madali na ring makaka-shoot. Ito ang dahilan kung bakit kailangan ng regular na praktis ng mga basketbolista at iba pang atleta.

Ganito rin dapat ang gawin ng mga bata o matandang nais na ma-develop ang hilig sa pagbabasa. Maliban sa diyaryo, magsimula ka sa mga babasahin tulad ng “It’s a Mens World” ni Bebang Siy at “Ligo na U, Lapit na Me” ni Eros Atalia. Tapos isunod mo na ang mga libro nina Bob Ong na “Ang mga Kaibigan ni Mama Susan,” Jun Cruz Reyes na “Ang Huling Dalagang Bukid at ang Authobiography na Mali: Isang Imbestigasyon” at Jun Balde na “100 Kislap.”

Ang pagpo-promote ng hilig sa pagbabasa ay kinakarir ngayon ng National Book Development Board. Meron silang mga poster na naghihikayat sa mga kabataan na magbasa. Meron silang book club kung saan tinatalakay ang mga bagong aklat. At meron ding Booklatan sa Bayan para mag-train ng mga guro at daycare worker ukol sa mga bagong paraan para ituro ang pagbabasa.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Nasaan ang Plate Number ng Libro Mo?

ni Alvin J. Buenaventura ng FILCOLS

Nasaan ang Plate Number ng Libro Mo?

Noong kaunti pa lang ang mga libro sa mundo, pamagat lang ay sapat na para ma-identify ang mga ito. Kapag “The Old Man and the Sea” siguradong kay Hemingway at ang “Banaag at Sikat” ay kay Lope K. Santos. Maluwag pa ang kalye noon para sa kakaunting libro na umaandar.

Pero dahil sa dami ng bagong author at bagong technology, mabilis na ang pagbuo at pagdami ng mga libro. Kaya kailangan na ng paraan para mabilis at madali silang makilala, mahanap, at maibenta sa mga bookstore o sa internet.

Kung ang kotse ay may plate number, ang libro ay may ISBN. Ang International Standard Book Number ay ang 13-numerong makikita sa copyright page ng libro. Sa back cover naman, makikita ito sa itaas ng bar code.

Ang 13-numerong ito ay pinaghihiwalay ng gitling para mahati sa 5 bahagi. Ang unang grupo ng numero ay nagsasabing ito ay nasa ilalim ng book publishing. Ang ikalawang number ay ang ID kung saang parte ng mundo nakabase ang publisher. Ang ikatlong grupo ng numero ang ID ng publisher. Ang ikaapat ay ang ID ng title ng libro. At ang huling numero ay ang check digit na siyang nagba-validate o nagsasabing tama ang ISBN. Pag mali ang last digit na ito ay invalid o di puwedeng gamitin ang ISBN.

Bakit kailangan ng ISBN kung meron na namang bar code?

Ang bar code ang mga itim na mga guhit na parang pick-up sticks sa back cover ng libro. Sila ang binabaril ni Ate Cashier para malaman natin mula sa cash register ang presyo ng libro. Ang ISBN ay kailangan para makakuha ng bar code.

Ang mga libro lang na may ISBN ang puwedeng ibenta sa mga bookstore o sa internet. No ISBN. No benta.

Ang National Library lang ang awtorisadong magbigay ng ISBN sa mga publisher o self-publishers ng libro at mga produktong katulad ng libro tulad ng audiobooks.

Ang paggamit ng ISBN sa bansa ay isinulong ng NBDB noong 1999 sa paglabas ng National Book Policy. Kahit na sa world publishing market ay ginagamit na ito noong mga 1960s pa.

Dahil sa ISBN, ang mga libro ay mabilis na ma-order, ma-locate, at maibenta. Hindi lang sa local bookstores naibebenta ang ating mga libro, nakakapasok din ito sa information superhighway na mas kilala bilang internet.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: NBDB Accreditation para sa mga Publisher

ni Alvin J. Buenaventura ng FILCOLS

NBDB Accreditation para sa mga Publisher

Isa sa mga paraan para mapasigla ang industriya ng paglilimbag ng libro sa bansa ay ang pagkuha ng accreditation mula sa National Book Development Board.

Ano ba ang accreditation at bakit mahalaga ito?

Ang accreditation ay ang opisyal na pagtatalaga o pagse-certify na ang publisher ay nakarehistro sa NBDB. Siyempre, bago mabigyan ng certificate of registration, maraming dokumentong dapat na makumpleto at maisumite ang isang publisher.

Ito ang magpapatunay na legit ang operation ng publisher. Ang NBDB lamang ang ahensiya ng gobyernong may kapangyarihang magbigay ng accreditation sa mga publisher.

Ano naman ang benepisyo mula sa accreditation?

Ang mga NBDB accredited publisher lamang ang puwedeng makisali sa malaking public school textbook market. Dahil milyon-milyon ang mga librong kailangan, malaking kita rin ang pinag-uusapan dito.

Ang mga publisher na mapapatunayang gumagawa ng di patas na mga business practice, na eventually ay magiging dahilan ng pagtaas ng presyo ng mga libro ay puwedeng matanggalan ng accreditation.

Maliban sa pagsali sa public school textbook market, ang registration sa NBDB ay mahalaga dahil nagiging updated ang database ng industriya. Kapag may database ay mas madaling makontak at ma-monitor ng NBDB ang mga registered entity. Mas mabilis nilang makikita ang lagay ng industriya. Mas madali silang makagagawa ng mga intervention para mapasigla ito tulad ng mga tax incentive o kaya ay mga seminar at training program.

Ilan sa mga non-fiscal incentive ng NBDB para sa industriya ay ang Academic Publishing Conference na ginaganap twice a year, Booklatan sa Bayan na ginaganap sa 12 iba’t ibang panig ng bansa, World Book and Copyright Day tuwing Abril, at ang selebrasyon ng Philippine Book Development Month tuwing Nobyembre.

Inaanyayahan din ng NBDB na mag-register ang printers, book sellers, book importers, book distributors, paper manufacturers, book industry associations, at academic publishers.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Joint Ventures ng Pinoy at Foreign Publishers

ni Alvin J. Buenaventura ng FILCOLS


Joint Ventures ng Pinoy at Foreign Publishers

Isa sa mga strategy ng gobyerno para mapaunlad ang industriya ng paglilimbag ng libro ay ang pagbibigay-daan para magkaroon ng joint ventures ang mga publisher na Pinoy at foreigner.



Ang National Book Development Board ang ahensiya ng gobyerno na siyang inatasan ng batas na paunlarin ang book publishing industry.



Bakit isinusulong ng NBDB ang joint ventures? Baka gastos lang ito at wala namang mapapala ang mga Pinoy dito. Di ba luma at laos na ang mga makinarya ng mga Pinoy publisher kaya lugi lang tayo sa ganitong sitwasyon?



Hindi po.



Ang joint ventures ng mga Pinoy at foreign publisher ay isang daan para mapalago ang book publishing industry sa bansa. Ito ay matagal nang ginagawa ng mauunlad na publisher sa ibang bansa tulad ng UK at US.



Subukan mong magbuklat ng isang UK o US book. Makikita mo na hindi lang ang bansa nila ang nasa copyright page kundi pati ang iba pang mga bansa. Bakit ganito? Kasi ang publishing ngayon ay pinadali at pinabilis na ng internet.



Halimbawa, ang mga text at images ay isinusulat at ginagawa sa UK. Tapos ay gagawin ang lay-out sa India. Pag naka-lay-out na at ready na ang mga pahina ay ipapadala through email sa Hong Kong. At doon na iyon ipapa-print.



Dahil sa sistemang ito nama-maximize ang talent ng bawat bansa. At marami ang nabibigyan ng trabaho. Nabibigyan din ng training ang mga newcomers. Ang mga nasa UK ay magaling sa research at illustrations. Ang mga nasa India naman ay experts sa lay-out. At ang mga taga- Hong Kong naman ay may mga bagong makina para sa printing na pinatatakbo ng bihasang operators.



Mahalaga ang joint ventures hindi lang dahil sa mga trabahong malilikha nito sa publishing industry at sa pagbubukas ng bagong negosyo kundi dahil sa transfer of technology at ang paglawak ng market para sa mga akdang Pinoy.



Dahil sa pakikipag-ugnayan sa mga advanced publisher ay nalilipat sa ating local publishers ang mga kaalaman pati na ang technology. Dito tayo lalago at magkakaroon ng lakas para makasali sa global stage.



Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.



Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Pagsali ng mga Pinoy sa International Book Fairs

ni Alvin J. Buenaventura ng FILCOLS

 

Pagsali ng mga Pinoy sa International Book Fairs

 

Para lumago ang industriya ng paglilimbag ng libro, isa sa mga incentive na ibinibigay ng gobyerno sa mga author at publisher ay ang suporta para makasali ang mga ito sa international book fairs.

Papaanong lalago ang book publishing industry kung lalabas ng bansa ang mga publisher at author? Talaga bang kailangan ito? O lakwatsa lang naman talaga ang habol nila?

Isa sa mga paraan para matuto ang tao ay sa pamamagitan ng contact sa ibang tao. Tayo ay social creatures at kailangan nating makisalamuha sa iba para mas maging matalas ang ating isip. Dahil din sa pakikisalamuha ay nagkakaroon tayo ng mga bagong insight o bagong idea na makakatulong sa iba’t ibang parte ng ating buhay.

Ang contact sa ibang kultura ang siyang nagpapayaman sa mga sangkot sa contact. Halimbawa, ang kultura ng mga Pinoy ay naging matingkad dahil sa ating contact sa ibang bansa tulad ng Spain. At ang Spain naman ay may malawak na contact mula sa Roman Empire, Byzantine Empire, at iba pang sibilisasyon sa Mediterranean sea at Europe. May contact din tayo sa China, Indonesia, Thailand, at Japan.

Pero masasabi ring naging maganda ang kultura ng mga nasabing bansa dahil sa pakikisalamuha nila sa ating mga Pinoy. Ang mapayapang EDSA People Power ay naging inspirasyon para sa mga kilos-protesta sa Thailand. Na-export natin sa kanila ang peaceful mass protest.

Ang mga seryosong Hapon naman ay pinasaya ng Pinoy entertainers. Ang iba sa kanila ay nag-asawa ng mga Pinay. Malakas na impluwensiya ang mga Pinoy sa kanilang lipunan. At marami ring Japanese couples na dito sa atin nag-retiro dahil naakit sa ating magandang kultura.

Ganito rin ang nangyayari sa partisipasyon ng mga Pinoy author at publisher sa mga international event tulad ng mga book fair at literary festival.

Nakikilala ng mga foreigner ang mga akda sa Filipinas. At ang atin namang mga author at publisher ay nagkakaroon ng contact na nagpapayaman sa kanilang karanasan, nagbibigay ng bagong business model, gumigising sa bagong idea, at bumubuo ng mga bagong network.

Kapag pinagsama-sama ang mga ito ay nagdudulot ito ng bagong sigla sa ating book publishing industry. Siyempre kapag may bagong business model, may dahilan para makapagpalago ng negosyo, na dahilan para makapagbukas ng pinto para sa ating mga kababayang naghahanap ng trabaho. At ang trabaho ang siyang solusyon sa kahirapan.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: National Book Policy - Pagpapalaganap ng mga Akdang Gawa ng Filipino

ni Alvin J. Buenaventura ng FILCOLS

National Book Policy - Pagpapalaganap ng mga Akdang Gawa ng Filipino

  

Ayon sa RA 8047, ang National Book Policy ay “statement of the intention and philosophy of the State as a basis for the formulation and implementation of measures for the development, production, and distribution of books.”

Mahabang konsultasyon ang ginawa ng National Book Development Board para mabuo ang National Book Policy. Nagpunta sila sa mga rehiyon, nakipag-usap sa mga author, publisher, librarian, professor, journalist, at iba pang stakeholder ng industriya.

Sa bisa ng Executive Order No. 119 na ipinalabas ni Pres. Estrada noong July 4, 1999, pinagtibay at kinilala ang National Book Policy na opisyal na policy ng bansa pagdating sa book publishing industry.

Ano ang unang statement dito?

Dapat lumikha ang gobyerno ng pinakamagandang kondisyon para maipalaganap ang mga akdang Filipino. Kailangang gumawa ng mga bagong activity para mapalago ang industriya.

Hindi puwedeng puro seminars at talks na lang dahil magsasawa na rin ang mga participant.

Nakasaad din na dapat ay maka-develop ng mga bagong author na tututok sa pagsusulat ng mga paksang tulad ng local histories kung saan kakaunti lamang ang published materials. Kailangan ding ma-upgrade ang kakayahan ng mga author. Para magawa ito ay inatasan ang NBDB na manguna sa pagbuo ng partnerships sa iba’t ibang institusyon tulad ng DepEd, CHED, at mga stakeholder sa book publishing.

Dapat na maparami ang mga libro sa Filipino literature, heritage, at creative arts sa pamamagitan ng pagbibigay-suporta sa mga nais magsulat o gumawa ng libro.

Dapat na suportahan ang paglilimbag ng mga libro sa English at mga lengguwahe sa bansa.

Dapat na maparami ang Filipino authorship ng mga librong scientific at technical. Pati na rin ang pagsasalin sa mga lengguwahe sa bansa ng mga foreign-authored books.

Para lalong maparami ang akda mula sa mga rehiyon, dapat na may registration system at database ng mga manuscript na local at foreign. Kahit na “manuscripts” ang salitang ginamit sa halip sa finished works, malinaw na published books ang ibig sabihin dahil wala namang foreigner ang maglalabas ng manuscripts.

Dapat na magkaroon ng training ng mga author at students para makapagsulat sila ng mga akdang may local character at experience. Magagawa ito sa pamamagitan ng pakikipag-ugnayan sa mga university sa mga rehiyon.

Dapat na bigyang-proteksiyon ang IP ng mga author at publisher sa pamamagitan ng collective reprography licensing. Dahil dito ay binuo ang FILCOLS.

Dapat na bigyang-pagkilala ang mga tao o organisasyon na tumulong sa pagpapaunlad ng industriya. Puwedeng maggawad ng pagkilala sa pamamagitan ng awards, prizes, at iba pang uri ng pagkilala.

Dapat na makapaghanap ng pondo para sa mga author at iba pang personnel ng industriya. Dahil dito ay isinulong ng NBDB ang pagpasa ng batas RA 9521 o ang National Book Development Trust Fund.

Dapat na maengganyo ang mga author na magbuo ng mga asosasyon na makakatulong sa pagbibigay sa kanila ng proteksiyon at sa pag-usbong ng mga bagong gawa.

Katuwang ng NBDB sa pagpapaunlad ng industriya ang FILCOLS. Para sa dagdag na kaalaman, bisitahin ang mga website: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Iba pang Gabay na Prinsipyo sa Likod ng National Book Policy

ni Alvin J. Buenaventura ng FILCOLS

 

Iba pang Gabay na Prinsipyo sa Likod ng National Book Policy

Ayon sa National Book Policy: ang mga libro ang pinakamabisa at abot-kayang gamit para ma-develop ang Filipino ideals. Mahalagang ma-develop sa mga kabataan ang pagmamahal sa bayan, ang tamang values, at ang pagkilala sa ating cultural heritage. Ang mga librong isinulat ng kapwa natin Filipino ang makakatulong nang malaki sa paghubog ng isip at galaw ng ating mga kabataan.

Mahalaga ang initiative ng private sector para ma-develop ang isang masiglang book publishing industry. Ang papel ng gobyerno ay ang magbigay ng suporta sa pamamagitan ng mga incentive sa publishers tulad ng tax exemption, mga programang makakatulong para makagawa ang publishers ng magaganda at de-kalidad na libro.

Ang layon ng paglilimbag ng mga teksbuk ay para magbigay-suporta sa curricular objectives ng basic education. Toka ng gobyerno ang pagbuo ng kurikulum ng elementarya at hayskul pati na ang paghahanap ng pondo mula sa mga institusyon tulad ng World Bank. Toka ng publishers mula sa private sector ang production at distribution ng mga teksbuk. Ang layon ay makapagbigay ng isang teksbuk sa bawat mag-aaral.

Mahalaga ang mga akdang local, paglilimbag sa local language, at paglilimbag sa mga rehiyon para madevelop ng todo ang book publishing. Ang mga akdang local na nasa local language ang magpapayaman sa ating kultura at magpe-preserve nito. Ang paglilimbag bilang negosyo sa mga rehiyon ay makakapagbigay ng trabaho para maiwasan ang pagdagsa ng mga tao sa mga siyudad tulad ng Maynila.

Mahalagang maging globally competitive ang local book industry. Dapat bawasan ng gobyerno ang mga bureaucratic requirements para malayang makagalaw ang industriya. Dapat na tutukan na makaabot ang book industry sa international standards, sa pagbibigay ng suporta para sa mga joint ventures sa foreign publishers, sa pagbubukas ng mga bagong market, at mga bagong panggagalingan ng capital.

Mahalagang magdevelop ang kultura ng pagbabasa dahil ang pagbabasa ay nakakaganda ng kalidad ng buhay. Kapag marami ang may reading habit dadami ang bibili ng libro na magpapasigla sa industriya. Dapat na may regular reading campaign at magandang library system.

Ang book publishing ay isang social commitment. Dapat itong umunlad dahil dito nakasalalay ang ganda ng edukasyon. Dapat na madaling mapasakamay ng mga mahihirap ang mga libro dahil ito ang daan sa pansariling pag-unlad.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Mga Gabay na Prinsipyo sa Likod ng National Book Policy

ni Alvin J. Buenaventura ng FILCOLS

Mga Gabay na Prinsipyo sa Likod ng National Book Policy

Nakasaad sa RA 8047 sec. 2, ang State Policy ukol sa industriya ng paglilimbag ng libro: to promote the continuing development of the book industry, with the active participation of the private sector, to ensure an adequate supply of affordable and quality-produced books not only for the domestic but also for the export market.

Ang State Policy ay ang prinsipyong nagsisilbing gabay ng pamahalaan. Nagsasaad din ito ng course of action o mga hakbang na dapat isagawa para maabot ang layon.

Ang layon ng gobyerno ay mapaunlad ang industriya ng paglilimbag ng libro. Katuwang nito ang bibong partisipasyon ng private sector. Para umunlad ang industriya ay dapat na may sapat na supply ng mga libro. At ang mga libro ay dapat na de-kalidad at may presyong abot-kaya. Ito ay para sa mga mambabasang Filipino at ang iba ay pang-export din.

Bakit kailangang paunlarin ng gobyerno ang industriya ng paglilimbag ng libro? Di ba ang dapat na pagtuunan ng pansin ay ang makaahon sa kahirapan ang mga Filipino, makakain nang sapat, maging malusog, magkaroon ng tahanan, at trabaho?

Pinagtutuunan ng pansin ng gobyerno ang industriya dahil ito ay may mahalagang papel sa national development. Ayon sa pag-aaral ng World Intellectual Property Organization, ang copyright-based industries sa Filipinas ay nagbibigay ng trabaho sa 300,000 tao. Isa ang book publishing sa mga copyright-based industry.

Kung nakakapagbigay ng trabaho sa 300,000 tao ang mga copyright-based industry, ibig sabihin may 1.2 milyong tao ang naiibsan ang kahirapan, nakakakain, napapanatili ang kalusugan, at nakakapanirahan sa disenteng tahanan.

Paano nangyari ito? 300,000 x 4 = 1,200,000. Ibig sabihin: ang taong nagtatrabaho kasama ang umaasa sa kanya, ang asawa at tatlong anak. Siyempre hula lang natin ito dahil ang resulta ng pag-aaral ng WIPO ay 300,000 empleyado ng mga copyright-based industry kung saan kabilang ang book publishing. Puwedeng mas mababa o mas mataas ang bilang ng mga taong dependent sa kanila.

Pero ang punto ay nakakatulong ang book publishing na maiahon sa kahirapan ang mga Filipino at nakakatulong itong maibsan ang malawakang unemployment.

Ayon din sa RA 8047, ang national development ay may dalawang pundasyon: economic at social growth. Hindi sapat na may materyal na bagay lang ang isang bansa, dapat ay maunlad din ang kultura. At ang mga libro ay siyang mabisang instrument para sa intellectual, technical, at cultural development ng mga tao.

Dahil dito, hindi lamang ang may trabaho sa book publishing at kanilang pamilya ang nakikinabang, lumalaki rin ang bilang ng nabibigyan ng benepisyo dahil ang mga libro ay maraming nararating, malayo ang nararating.

Mabisa ang libro at isa itong instrumentong abot-kaya para mapasakamay ng lahat ang edukasyon. Mahalaga din ang libro sa pagpapakalat ng kultura dahil dito nakasulat, nakalarawan, at naka-preserve ang ating kasaysayan, mga nobela, mga tula, awit, at iba pa.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: filcols.blogspot.com at nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Sa Loob ng NBDB

ni Alvin J .Buenaventura ng FILCOLS

Sa Loob ng NBDB

Ang DNA ang siyang pinagmumulan ng instructions o kautusan kung papaano made-develop at magpa-function ang lahat ng buhay na organismo. Ang Republic Act ang DNA sa pagbubuo at pagtakbo ng ahensiya ng gobyerno tulad ng National Book Development Board.


Ayon sa RA 8047 o Book Publishing Industry Development Act, para mabigyan ng karampatang serbisyo ang industriya ng paglilimbag ng libro sa bansa ay kailangang bumuo ng ahensiyang tatawaging NBDB.

Ang NBDB ay pinamumunuan ng Governing Board. Ito ay may labingisang miyembro na appointed ng Pangulo ng Filipinas. Lima mula sa gobyerno at anim mula sa private sector.

Sino-sino ang mga ito? Sa panig ng gobyerno, pipili ng limang kinatawan. Isa mula sa bawat ahensiya: Department of Education, Department of Science and Technology, Department of Trade and Industry, at National Commission for Culture and the Arts. Ang Commission on Higher Education ay puwedeng mag-nominate ng kinatawan mula sa academe at ang Technical Education Skills Development Authority ay puwede ring mag-nominate ng kinatawan mula sa training institutions.

Sa panig ng private sector, pipili ng anim na kinatawan na nominado ng mga organisasyon ng book publishers, printers, writers, book industry related activities, students, at private education sector.

Ang Governing Board ay pumipili ng chair mula sa kanilang hanay. Ang kinatawan mula sa DepEd ang ex-officio vice chair. Ibig sabihin automatic na ikalawang pinuno ang kinatawan ng DepEd.

Ang Governing Board ang magpapatupad ng mga policy at layon ng batas. Sila rin ang bubuo ng mga programa para sa ikauunlad ng industriya ng paglilimbag ng libro.

Para maisakatuparan ang mga programa mula sa Governing Board, kailangan ng Secretariat na siyang magpapatupad o mag-e-execute ng mga plano. Ang Secretariat ay pinamumunuan ng Executive Officer. Katuwang niya sa pagpapatakbo ang Deputy Executive Officer. Ang dalawang opisyal ay appointed ng Pangulo ng Filipinas.

May kapangyarihan ang Executive Officer na magrekomenda sa Governing Board kung papaano oorganisahin ang Secretariat, bilang ng kawaning kailangan, ano ang function ng bawat kawani at division, pati na rin ang compensation plan para sa mga kawani. Siyempre kailangan pa ring aprubahan ng Governing Board ang rekomendasyon ng Executive Officer.

Inatasan din ng batas ang NBDB na bumuo ng mahahalagang dokumento tulad ng
National Book Policy, National Book Development Plan, at Implementing Rules and Regulations ng RA 8047. Kung ang batas ang DNA, ang mga dokumentong nabanggit ang mga organ para makatakbo nang maayos ang ahensiya.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.

Buhay na Titik: Kung Paanong Binuo ang NBDB

ni Alvin J. Buenaventura ng FILCOLS

Kung Paanong Binuo ang NBDB

Nakakapagbigay ng serbisyo ang gobyerno sa industriya ng paglilimbag ng libro sa pamamagitan ng National Book Development Board.

Ganito ang daloy ng pagkakabuo ng isang ahensiya ng pamahalaan tulad ng NBDB.

Dahil ang bansa ay isang republikang demokratiko, sa mga mamamayan o publiko nanggagaling ang kapangyarihan. Sa pamamagitan ng pagboto sa mga taong magiging representante nila sa gobyerno, pansamantalang inililipat ng publiko ang tiwala nila sa mga taong ito. At kung sino ang lalabas na may pinakamaraming boto, siya ang masasabing ginusto ng nakararami para mamuno. Siya ang inatasang mamuno sa Republika.

Ang mga senador at kongresistang nanalo ang siyang tinatawag na mambabatas dahil sila ang inatasan ng publikong tumingin sa kanilang kapakanan at magbigay ng daan sa sama-samang pag-unlad sa pamamagitan ng paggawa ng mga batas.

Ang mga panukalang batas ay maaaring manggaling sa mga ahensiya ng gobyerno, sa akademya, sa mga industry association, o sa opisina mismo ng mga mambabatas. Ang panukalang batas ay isasalang sa senado at sa kongreso para mapag-aralan nang husto. Magdedebate nang todo ang iba’t ibang panig para mapiga at makatas ang panukala. Dito lalabas ang kagandahan o kapangitan ng inihahaing batas.

Lahat ng panukalang batas ay dumadaan sa tatlong salang ng debate at pagpasa. Ang unang salang nito ay ang first reading. Kapag pumasa dito ay aakyat sa second reading. Kapag umabot na ang panukalang batas sa third reading, ito ay naging pokus na ng matinding debate at nadalisay na. Ang huling anyo nito ay ang pinagsamang bersiyon ng panukalang batas mula sa mga senador at bersiyon mula sa mga kongresista. Ang huling anyo ang ipinapagtibay ng pangulo ng Filipinas bilang batas. At tinatawag na itong Republic Act. Ang batas na nagmula sa publiko.

Pero siyempre may kapangyarihan din ang Pangulo ng Filipinas na magtayo ng ahensiya ng gobyerno sa pamamagitan ng Executive Order. Ang mga ganitong ahensiya ay madalas na nagsisilbing pansamantalang solusyon sa isang urgent na problema. Hindi sila pangmatagalan at madaling mabuwag.

Matagal na panahon ang kailangan para makapasa ang panukalang batas sa senado at sa kongreso. Kaya kapag nais buwagin ang ahensiyang binuo sa pamamagitan ng Republic Act, matagal na panahon din ang kailangan.

Ang NBDB na binuo sa bisa ng Republic Act 8047 ay matagal na hinintay ng mga tao mula sa industriya ng paglilimbag ng libro sa ating bansa. Ngayong nakatayo na, ang ahensiya na ang siyang nagpapatupad ng RA 8047 at nagsisilbi sa mga pangangailangan ng industriya.

Katuwang ng NBDB sa pagpapaunlad ng industriya ang FILCOLS. Para mas maging malalim at malusog ang iyong kaalaman, bisitahin ang websites namin: www.filcols.blogspot.com at www.nbdb.gov.ph.

Inaanyayahan ang mga awtor, publisher, o tagapagmana ng copyright na sumali sa FILCOLS. Ito’y para mabigyang proteksiyon ang kanilang mga akda. Kailangan lamang ay mayroon kayong published works kung kayo ay awtor/publisher o nasa inyo ang kapangyarihang magmanage kung heirs kayo ng awtor. Wala pong membership fee. Kung may tanong hinggil sa tinalakay na paksa, mag-email lamang sa filcols@gmail.com.